Mizo Elite News hi ṭha i tihzawng a nih chuan min lo Follow dawn nia

A Fate 2 Truck Chhunga Darkar 5 Zet Kalh Hnan A A Thih Tir Vangin Thubuai Siam Sak

Dustin Lee Dennis hian an chenna in a a fate an awm lo tih a hriatchhuah meuh chuan alo tlai hman tawh hle a, a fate chu chhan theih reng an ni tawh lo.

Oklahoma a thleng a ni a, Dustin Lee Dennis, 31 hian a fate 2 Teagan, 4, leh Ryan, 3 te chu truck chhungah darkar 5 zet mai lo kalh hnan in, in chhungah a lo mut san veng veng a ni.

Police hnen a a sawidan chuan a fate nen hian Inrinni khan QuikTrip convenience store ah an kal a, Tulsa a an chenna in lam an pan hnu chuan darkar 4 aṭanga darkar 5 chu alo muhil.

A harh chhuah chuan in ah a fate pahnih hi an lo awm reng reng lo a, truck chhungah chuan a va hmu ta a ni. Dennis chuan a fate hi truck aṭang hian a la thla ngei nia a hriat thu Police a hrilh tih Public Information Officer Jeanne Pierce chuan a sawi.

Temperature hi 90 degree lai a nih vangin damchhuah chu a harsa. Police ten an ṭhenawm aṭanga surveillance video an endik ah pawh Dennis hi truck aṭang hian a fate tel lo in a chhuak tih a lang bawk.

Second-degree murder awrhtir a ni a $750,000 bond siam in Tulsa County Jail ah dah a ni. June 19 khian Court ah a inlan ang.

DM & CNN