Mizo Elite News hi ṭha i tihzawng a nih chuan min lo Follow dawn nia

A Fapa Pian Aṭanga Ni 10 Hnuah A Boral San

Pa lainatawm leh khawngaihthlakawm tak hi, a nupui tan pawh hriatthiam a har viau ka ring. Mahsela thihna chungah hi chuan mihring lam in thuneihna kan nei der silo.

Albion Inn,Bangor a mi Thomas Davies, 27 hi pa hrisel leh in fit tak a ni ṭhin. Mahsela a hnathawh hnuhnun ber ṭum aṭang a dik lo chho ṭan a khuh in a taksa a nat bak ah thlan in a bual pah bawk.

Coronavirus symptoms ni in a chhung te chuan an puh. Mitam tak thinlung a khawih em em chhan pakhat pawh Thomas Davies hi a nupui in an fapa pahnihna a neih aṭanga ni 10 hnu ah a boral san zui nghal chu a ni.

A fapa Morgan piang tur hi alo nghakhlel viau a, mahsela a fapa hmel pawh hi a hmuchiang hman ta lo. A nu Mandy Davies chuan “metre 2 aia hnaia kal phal a nih loh vangin kuah pawh kan kuah thei lo a, a harsa hle a ni” a ti.

Paramedic te chuan thuam phui tak nen Thomas Davies ruang hi an la. Ms Davies chuan “Hospital ah chuan damdawi lam thiam te chu Suit nen inthuam in ka fapa ruang chu khawih chu sawi loh hmuh pawh an phal lo a, Virus chu awlsam taka inkaichhawn theih a nih vang a ni” tiin a sawi.

Davies hian Morgan bak ah hian fapa kum 4 mi Dylan Elias-Davies a nei bawk. A kawppui Rhiannon chuan “Morgan hi chuan a pa hi a la hre lo hrim hrim a amaherawhchu Dylan hi a pa nen hian an inngaina em em a, a tan hian hriatthiam a har dawn hle a ni” tiin hnukulh leh lungchhe tak chungin a sawi a ni.

DM