Mizo Elite News hi ṭha i tihzawng a nih chuan min lo Follow dawn nia

A Fapa Nupui Tur Chu Hun Rei Tak A Hloh Tawh A Fanu Diktak Ngei A Ni Tih An Inneihni Ah A Hrechhuak

Hringnun ah hian thil lawmawm leh hlimawm tak hi a inherchhuak ve leh nawlh thin. China ram ah nu pakhat chuan a fapa in nupui atana a neih tur chu tudang nilovin hun reitak a hloh tawh a rila rah ngei a fanu a ni tih a hrechhuak.

Inneihni ah a monu ni mai tur hi a fanu a ni tih a hre ve chauh a, a kuta ser/kutchuk a neih a hmuh atang in a fanu bo ta kha a ni tih a hria. Thil thlenna hi March 31a Suzhou, Jiangsu province ah a ni.

Nufa an ni tih an han inhrechhuak zet chu lawm avangin mittui nen hun an hmang hial a, mahse inneihna hi thulh a ni ta chuang lo. A fanu dik tak neitu tur a fapa hi a hrin a nilo a, a fanu bo hnu ah fa atan a a lak tho niin thisen ah engmah inzawmna an nei lo bawk nen inneihna hi kaltlangpui a ni ta tho.

A fanu enkawl tu a nu leh pa te hnen ah chuan engtin nge a fanu hi an enkawl theih daih dan tih an zawh chuan kum 29 liamta khan kawngsir ah an chhar a, an fanu anga an enkawl zui tak thu an sawi, an fanu dik tak a nih loh thu hi rei tak an lo zep nghe nghe bawk.