Mizo Elite News hi ṭha i tihzawng a nih chuan min lo Follow dawn nia

A Fapa Kum 1 Mi Paw Chungin Khawlaiah Ah Thil Zuarin A Chhuak

Patling meuh in zahpawh dawn lova hetia thil a zuarkual hian a phen ah harsatna lian tak a tawk ngei a ni tih sawi leh chuan hran kher ngai lovin a chiang khawp mai.

He thlalak rilru khawih tak mai hi netizen pakhat Jam Perry Branch in ti chuan a phochhuak a, thlalak ah hian pa pakhat chuan a fapa kum la naupang tak chu paw chungin khawlai ah thil a zuar kual a ni.Jam Perry Branch thlalak post hnu hian Internet ah nasa takin a darh zui nghal.

Thlalak a pa khawngaihthlak tak hi kum 30 a upa Richard Paclibare a ni a, Binangonan, Rizal a cheng a ni. Khawlai velah Taho a zuar hmuh a ni fo thin a, Taho hi Philippines ramah chuan an snack food ber a ni.

Ni khat chu Richard Paclibare hian nau paw chungin a thil zawrh tur a kawt chhuak a, hemi hnu ah hian a chanchin hi belhchian a ni ta a ni. Richard Paclibare an nau a puak hi tudang nilovin a fapa kum 1 a upa a nia, a nupui in an fapa hi a enkawl turin a kiangah a lo hnuchhiah.

Richard hian a fapa hi mahni chauh in a enkawl seilian a, an pafa ei tur thawkchhuak in thil a zuar kual thin a lo ni. An awmna ah hian chhungte dang belh tur tumah an neilo a, hei vang hian a fapa hi a thil zawrhna ah a hruai kual zel.

Jam Perry chuan Richard te pafa hringnun thawnthu hi an mualpho na tura tarlang a nih loh thu a sawi a,a thawhrimna chu a ngaihsan thu leh tanpui a duh vang zawk a ti a nih thu a sawi a ni.