Mizo Elite News hi ṭha i tihzawng a nih chuan min lo Follow dawn nia

A Fapa Jail Aṭanga Chhanchhuak Tura Nu Inhlanna Hi A Va Ropui Letling Em

Nu hmangaihna hi chu a lo hlu a ni. Mahsela a thil tih erawh hi chu thil ṭha leh dik tia sawi tur a ni hran lem lo.

Ukraine ah nu pakhat kum 51 mi a hming tarlan loh chuan a fapa tualthah vanga thiamloh chantir tawh damchhung lungin (Jail) tang tura a chungthu rel chu a chhanchhuah theih nan Prison bang hnaih ah lei thuk tak laiin kua a lo hreuh.

He nu hian a tirah Zaporizhia,south-east Ukraine a a fapa awmna Jail kiang ah awmhmun bengbel in ruahmanna a siam. Suahdur leh lungrâl hmang te in kua hi a lo hreuh thuk/sei hman hle a 35 feet zet a ni.

Midang in an hriat lohna turin zanah chiah a hna hi a thawk ṭhin a, thawm ri chhuak lo turin silent scooter a hmang bawk. Chhung lamah awm tlat ṭhin in, ni tlak fel hun ah bak a chhuak ngai lo. Tunnel chhunga lei a laih te chu trolley te tak te hmangin a thianfai.

Chawlhkar 3 teh meuh a fapa chhanchhuak tura a beih hnuah Police ten a ruahman hi hrechhuak in an man. Thil thleng hi hriat a nih hnu ah tualchhung mite chuan he nu hi a thawhrimna avangin an fak letling hle a, amaherawh chu a thawhrimna hi sual a nih vangin Police in an man ta tho.

News18