Tleirawl leh rawlthar chhuak tirh chhoh lai vel hi mihring nun a hun pawimawh leh fimkhur a ngaih lai tak a ni a, taksa leh rilru in puitlin lam a pan lai hun a nih vangin sual kawng zawh mai pawh a awlsam em em thin.
Telangana’s Kodad, Suryapet district ah nu pakhat chuan in a fapa laka a thinrim insum zo lovin mualpho leh zahthlak takin midang hma ah a fapa chu hremna a pe tih hriat ani.
Thu lakna in a tarlan dan chuan a fapa hian sual kawng zawh in thil tha lo tak a khawih a. Ruihhlo lam ah tlanin ganja ngawl a vei tih a hrechhuak. A fapa hi kum 15 a upa a ni a, ruihtheihthil a khawih tih a hriat hnu ah thlung betin a mit ah chuan chilli powder alo tah sak.
A nu in a mit a chilli powder a tah sak hian rawlthar hi na ti takin a auchhuak hial bawk. Thenawm ten an thawm hria in an tlanchhuak nghal a, tui in a fapa mit chu tihfai sak turin thurawn an pe.
Mahsela he nu hian hremna a pek chu a thlawn mai in sut a tum lo nasa. A fapa hian ganja hi bansan in a thlahfel hmak ang tih chhe chhama thu a tiam hma loh chu phelh a tum lo an ti ani.
What happened when a mother found out that her 15-yr-old son was becoming a ganja addict? She came up with a unique treatment. Tie him to a pole & rub mirchi powder in his eyes & not untie him until he promises to quit. Incident in Kodad, #Suryapet dt, #Telangana. pic.twitter.com/VSSMLosz64
— Sreekanth B+ ve (@sreekanth324) April 4, 2022
Midang in a fapa a hrem dan an lo hmuh chuan a thil tih chu thil tha lo tak zawk a ni thei tih an hrilh a, a fapa mita a hnawih mirchi powder chuan a khawhmuhna a tihchhiatphah thei tih sawiin hetiang kawng zawng kher lo a hremna pe turin an hrilh bawk.
Telangana ah hian ruihhlo a hluar hle a, Chief Minister K Chandrashekar Rao pawh in ruihhlo leh a kaihhnawih te umbo a nih theih nan authorities te hnen ah khauh theih ang bera hma la turin a hriattir a, ruihhlo laka inhnamhnawih zing ah hian chhungkaw neinung leh khawsa thei tak tak atang a seilian te chu an thahnem viau an ti bawk ani.