Mizo Elite News hi ṭha i tihzawng a nih chuan min lo Follow dawn nia

A Fapa In A Pasal Hnenah Mi Dang A Hmangaih Nen An Inhmuh Thin Thu A Hrilh Vangin A Fapa Hal Hlum

Russian nu pakhat Anastasia Baulina, 31 hian a fapa ngei kum 8 mi in bum a, a pasal hnena a hek vangin a thinrim in a hal hlum tih hriat a ni.

Mipa naupang hi a taksa 45 per cent vel lai a kang (burn) vangin a hliam tuar lo hian Kursk, Russia a damdawiin ah a boral tih an puang.

A fapa thattu Anastasia Baulina hi cashier a nia, tarlan dan in a fapa Andrey chuan a pahrawn (Anastasia pasal) hnenah amah lo a hmangaih midang a hmuh thin thu a lo hrilh a, hei vang hian Anastasia leh a pasal te pawh an inhmuhthiam lo phah reng.

A pasal hnen a a fapa Andrey thusawi a hriat hnu ah Anastasia hi a thinrim em em a, pawn lam ah a fapa hi a hruai a, bawm atang tui alh thei la lawkin a fapa chu a theh. A ka chhungah gasoline a hmuam tir bawka lighter in a hal zui ta mai a ni awm e.

Mit ngei a hmu tu Andrey unaunu Natasha, 12 chuan a nu in a ka chhunga tui alh thei a tulh lai khan Andrey hi a tap nasa hle tih a sawi. Andrey hi thil thlen atang ni 2 hnu ah a hliam tuar lovin a boral.

An thenawm a mi pawn Anastasia leh a pasal te bus stop ah hmu in an inhauh thu a sawi a, Anastasia Baulina lakah hian tualthah thubuai siam sak in thiam loh chantir a nih chuan kum 20 thleng Jail a tang ang.