Mizo Elite News hi ṭha i tihzawng a nih chuan min lo Follow dawn nia

A Fapa Chu Pandemic Laia In A Chhuahsan Loh Na Turin Heti Hian A Che Ta Ringawt

Nuihzatthlak takin lang mahse tun ang lai ah nu leh pa hlauthawng hma tak tan ngat phei chuan fa vak heh leh pawn chhuah hrat tak neih chu buaithlak lam a tling a ni.

Hripui leng mek ah hian chhungkaw mi leh sa zinga pakhat hian chhungkaw dang zawng zawng dinhmun a hril thui hle. Hei vang hian Taiwan nu pakhat chuan a fapa in Pandemic lai a in a chhuahsan lohna turin thil dangdai tak a ngaihtuah chhuak.

ET Today tarlan ah chuan Taiwan ram a Kaohsiung ah nu pakhat in a fapa kum 15 upa chu hri len laia in chhunga a tawm reng theihnan a lu a meh tir.

A fapa hi barber bul ah a hruai a,hairdresser hnen ah chuan pawn lama a chhuah ngam loh tawpna tur in a lu chu meh sak turin a lo ti nia tarlan a ni.

A nu duhdan ang ngeiin lu met tu hian pawn a chhuahpui ngam loh nan a chunglam zawng tikawlh in a hnuai a zuahsak thung a, tihian a fapa lu chu a meh chhuah sak.

A hairstyle thar hi phochhuah a nih atang mak tih leh lawm a hlawh zui nghal hle a, negative leh positive comment hrang hrang a inchawhpawlh nuk.

Mi thenkhat phei chuan a fapa hian in a hairstyle thar chu a thian dangte hmuh turin pawn a chhuahpui tho ang tih an hlauhpui hle a, amaherawh chu rawlthar hian a nu duhdan a a lu meh zawh rual hian a duh loh lutuk vangin a tap nasa hle tih an sawi a ni.