Mizo Elite News hi ṭha i tihzawng a nih chuan min lo Follow dawn nia

A Fanu Thla 2 Mi Covid19 Vei Tan Ṭawngtaipui Turin Nu In Midangte A Ngen

South Carolina nu chuan a fanu chunga thil thleng rapthlak tak chu rawn sawiin a fanu thla 2 mi chuan Coronavirus (Covid19) vangin damkhawchhuak turin a nun a sual mek a ni a ti.

Naupang nu hi Ashley Hildebrand a ni a, Covid19 in a luhkhung a fanu thla 2 mi hi Ellie a ni. Pathianni khan a Facebook page kaltlangin a fanu chunga thil thleng hi a rawn puang.

Ellie thlalak chu a phochhuak a, thlalak ah hian he hmeichhe naupang khawngaihthlak Ellie hi ventilator hmanga enkawl a ni a, a hnar ah chuan tube vuah in respirator hmanga ṭanpui a ni.

“Kan chhungkua in a kan hun tawn rapthlak tak ah hian in mi ṭawngṭaipui kan ngai tak zet” tiin Ashley Hildebrand hian a fanu hi ṭawngtaina lama hre turin mite chu a rawn ngen hlawm.

A fanu Ellie hi US a Coronavirus vei naupang ber pawl a chhinchhiah a ni. Ellie tel lo hian Ashley Hildebrand leh a pasal Sean te chu chawlhkar 2 self quarantine an nei tawh.