Mizo Elite News hi ṭha i tihzawng a nih chuan min lo Follow dawn nia

A Fanu Thla 10 Mi Pawngsualin A That

Pennsylvania Police te chuan naute pa chungah tualthah leh pawngsual vangin thubuai an siam sak a, a fanu ngei chu khawih chhia in a nunna a lak sak a tarlan a ni.

Lower Providence Township police ten Inrinni zan khan an thudawn bawhzuiin naute thla 10 mi hmeichhia Zara Scruggs tia koh chu nikhawhrelo in an va hmu. Police an thlen hian CPR te pek niin damdawiin lamah an hruai nghal a mahsela naute hi damkhawchhuak zo lovin Pathianni zing khan a boral.

Forensic pathologist lam in autopsy an nei. An endikna ah chuan he naute thla 10 lek hi khawihchhiat in sual a ni. A lu ah hliam na tak tawrh tir a ni bawk.

Police ten Investigation an neih chuan naute pa kum 29 upa Austin Stevens phone ah a fanu thihna nena inkungkaih chi thil an hmuchhuak. Google search ah chuan naute thawk tawp tir theih dan tur te alo awm a, a fanu hi sualin a that ni ngeiin chiang takin a langchhuak.

Investigator te chuan naute Scruggs in a hman ni ngeia rin diaper thisen kai an hmu tel. Steven hi man a ni tawh a thubuai hrang hrang awrh tirin $1 million bond siam a ni zui bawk.

Fox19