Mizo Elite News hi ṭha i tihzawng a nih chuan min lo Follow dawn nia

A Fanu Thatin A Lu A Tan Chhum Hnu Ah A Lu Bung Chu Kengin Khawlai Ah A Kal

 

Disclaimer: This article contains images that some may find distressing. Readers discretion is advised

Pa pakhat chuan a fanu nunna laksak in a lu a tan chhum hnu ah a fanu lu bung ngei kengin khawlai ah a lo kalpui a ni.

Times Now News in a tarlan dan in a fanu rawng taka that tu pa hi Sarvesh Kumar a ni a, India ram Hardoi district of Uttar Pradesh ah an cheng.

A fanu kum 17 a upa hian ngaihzawng a nei a, a mipa kawp hi a pa Sarvesh Kumar hian a pawmpui thei silo. A duh loh chunga a kawp zui zel tho vangin a thinrim insum zo lo chuan a nunna a laksak ta mai ni a hriat a ni.

Sarvesh hian a fanu a thah thu hi inpawm in a inpuang nghal. A fanu lu bung hi Police Station lam a panpui a, Police te hnen ah chuan a mipa kawp thin a pawmpui loh thu leh a thah dan kim chang zawng zawng te chu a hrilh fai vek.

Room a kalh hnu in hriam hrei hmangin a lu a tan chhum a, a tihhlumna hmanrua leh a taksa (a nghawng chin hnuai lam zawng) chu room ah hnuchhiah in a lu hi a kengchhuak tih a sawi. Sarvesh Kumar hi Police ten an man a, a nupui pawh man tel a ni. He thil thlenga in hnamhnawih leh awm lo taka che Officer chu a hna atang an suspend bawk.

Uttar Pradesh hi 2019 khan National Crime Record bureau data atang a landan in hmeichhia te chunga hleilenna hluar berna a ni. Sarvesh Kumar hi eng ang hremna nge pek a nih dawn tih hi sawi a la nilo.