Mizo Elite News hi ṭha i tihzawng a nih chuan min lo Follow dawn nia

A fanu Surgery hmachhawn vanga a sam kawlh in hrehawm a tih loh nan Pa chuan a lu a tikawng ve

He thlalak hian a phen ah thil tam tak a sawi a. Pa in a fanu a hmangaih zia chiang takin a lang bawk. A fanu tan hian eng pawh tih ngai se, a nunna hial pawh hlan ngai se a damna tur a nih dawn phawt chuan tih a huam em em ang.

Twitter hmangtu mi pakhat chuan pafa te thlalak thinlung khawih tak hi a phochhuah atangin a viral nasa nghal hle a, mitam tak thinlung a chhun sakin biangah mittui a luan tir hial bawk tih an sawi.

Thlalak a pafa te, lu kawlh ti tiha an thlalak phena chanchin lungchhiatthlak tak inthup chu hei hi ani. Hmeichhe naupang hi natna khirh tak in tlak buakin enkawl a ni a, brain surgery a neihna ah a chhip hmalam sam chu a kawlh vek a. A pa hian a fanu thil tawn leh paltlang hi a lainat em vangin a awmnawm nan leh midang laka a inkiltawih loh nan a fanu lu kawlh ang chiah chuan a lu chu a tikawng ve ta vek a. A fanu lu an thuisak ang chiah in thuina hnu hma a tilang ve bawk.

Thlalak hi a viral hnu ah mi 8,000 ai a tam in likes in 1,000 chuangin an retweets nghal bawk a. Pa in a fanu tan a a inhlanna leh a thil tih chu ropui an tih thu leh an chhuanzia thlalak lo hmu tu te hian an sawi ani.

Hetiang deuh chiah hian nikum khan lu met tu (barber) pakhat chuan a thawhpui leh a thianpa cancer natna in a tlakbuak mek chu a tuarpui a ni tih entir nan a hmuh laiin a lu a lo nawrkawlh tawh a. “I mal lo ani” tiin a hrilh bawk. A thianpa cancer natna in a tlakbuak mek Martin hi a tap hial. An pahnih hian Alicante, Spain a Lords and Barbers barbershop a thawkdun thin an ni.