Mizo Elite News hi ṭha i tihzawng a nih chuan min lo Follow dawn nia

A Fanu Ngei Hrawk Zaiin Vawi Tam Tak A Vit Bawk

Hringtunu thil tih atan meuh chuan a rapthlak khawp mai. A fanu ngei chu dim dawina leh hrehna tel lek lo in a nunna a laksak.

Chicago ram ah nu pakhat Simone Austin chuan a fanu naupang zawk kum 5 mi Serenity Arrington chu a hrawk ah zai sak in vawi tam tak a vih hnu ah a boral.

Inrinni zinglam a thil thleng kha a ni. Simone Austin hian chhan ṭha tak pawh awm lovin a fanu hi rapthlak takin a that. Hei hi a fanu upa zawk hmuh lai rengin a ni.

Serenity Arrington unaunu kum 8 mi sawidan chuan a nu Austin room ah hian an awm a, a nu hian room aṭang chhuak turin a hrilh. A nu thusawi chu zawm in room aṭang chuan a chhuak mai a, mahsela luhna kawngka a kua aṭangin a bihthla.

A nu leh a naute khawsak dan a enthlak hnua a thil hmuh zet chuan a ṭhawng kher mai. A nu Austin chuan lukham hnuaia chemte chu lachhuakin a nau Serenity Arrington chu a vit ta mai a ni.

A nau chhan tur hian room ah a tlan lut a, a nu sam ah te a pawh sak bawk. A nau hian a nu hnen ah hian hliam nen tawp turin alo ngen lawm lawm bawk a. Pawn ah tlanchhuak in a nu in a nau a thah thu in alo au.

Simone Austin hi a fanu te bakah a pa te nen an cheng. Thil thlen lai hian a pa leh an pu hi Coffee dawra a awm lai a ni. A unaunu hian bathlar ah artui thlauh/tibua in hetiang vel ah hian a nu hi a thinur niin a ngai.

Austin hi tunhma in criminal record erawh a neilo. Mahse mental illnes a nei tih hriat a ni. A fanu hi Stroger Hospital an panpui na in chhan tlak a ni tawh lo. Autopsy ah chuan a taksa ah hliam a nasat em avangin a dam zo lo.

A fanu a thah vangin an man a, bail pawh phalsak a nilo. October 19 ah Court a inlan leh tura tih a ni.

DM