A fanu a hmangaih em em chu Accident vanga thi ah a ngai a, mahsela Accident nilovin thah a lo ni reng.
Pakistan a Wadda Chachar a thingtlang khua a mi kum 24 a upa Waziran chu a pasal leh a unaupa ten rawng taka that in lungin an denghlum.
June 27 khan Indus Highway bulah a ruang hi chhe taka hmuh a ni a, ruang hi a chhiat em avangin an hrethei lawk lo. Mahsela a hnu ah Local police te chuan ruang chu Waziran a ni tih an fiah thei.
Waziran hi lung hmanga den a nih mai bakah wooden stick hmanga beih a ni a, inneihna hi a pasal chhungten duh lovin mo atan an iai hle a, hei vang hian a pasal Allah Baksh leh a unaupa Kareem te chuan an that ta a ni awm e.
Waziran hringtupa Gurl Muhammed chuan a fanu chu a pasal te kut ngei a a thih vangin a rilru a na hle. A fanu thlan ah rilru na leh lungchhe takin a ṭap hawm hawm a, mittui tla chungin a fanu tan hian rorelna dik a phut a ni.
Tualthat tu Allah Baksh leh a unaupa Kareem te hi man an ni tawh a, Police ten Custody ah an hren mek thu an tarlang bawk.
DM