Mizo Elite News hi ṭha i tihzawng a nih chuan min lo Follow dawn nia

A Fanu Kum Tlinglo Rilṭam In A Thih Tir Ringawt

Nu chu a ni ve si maw. Nu ni tlak lo tawp a nih hi. Hetiang a rila rah ngei te chungah pawh che duh mi hi chu ngaihdam tlak an ni lo.

Maryland a Silver Spring a mi nu pakhat Kiearra Tolson, 23 hian a fanu thla 15 mi Blair Niles chu ni eng emaw zat chaw nghei in a thih tir a, a fanu a tihhlum vang hian Nilaini khan man a nih thu Montgomery County Police Department chuan a sawi.

Tolson hi Investigator te hma ah a fanu a thah thu hi a inpuang tawh. A fanu thla 15 mi hi a thih hma thleng khan ei tur a pe lova chawlhkar 3 leh a chanve lai chaw alo nghei tir. Riltam lutuk vangin a fanu hi a boral zui phah.

A fanu boral hnu hian Tolson hian a ruang chu pillowcase ah khungin bawhhlawh bawmah hnawm hnawk ang maiin a paih zui bawk.

Tolson apartment ah hian evidence an hmu a. Lukham chauh hmu in a case chu a fanu ruang hlawmna atan hian a hmang. Blair pa hian investigator te hnen ah chuan a fanu hi April 17 kha a hmuh hnuhnun ber a nih thu a hrilh a, Tolson hi a fanu thah avang in July 16 hian Court a inlan leh tura tih a ni bawk.

DM