Mizo Elite News hi ṭha i tihzawng a nih chuan min lo Follow dawn nia

A Fanu Hnute A Pek Lai Mekin A Boral, A Fanu Ngei Pawh A Thih Phah

northern Argentina a Corrientes ah chuan nu pakhat chungah vanduaina thleng palh in a naute nen an nunna an chan phah hial tih hriat a ni.

Kum 30 mi Mariana Ojeda hi fa 3 nei tawh a ni a, a fa naupang ber chu an chenna in ah hrai puar a hnute a pek laiin a nunna a chan a, a naute ngei pawh thawchham in a boral zui ve bawk tih an sawi.

In chhungah hian a fa 2 te nen an awm a, a fa upa ber hmeichhia chu a pi chenna in a kal hlan niin a pasal hnathawk a hun a hmanlai a lo ni bawk.

A fanu a hruai hawn hun tawh ah pawh Ojeda hi a kal reng reng lo a, an phone lah in a chhang thei lo. A pasal Gabriel pawn vawi tam a call pawn a la miah lo a, a beidawn tawp ah chuan a fapa kum 3 mi chuan a chhang.

A fapa hian a pa hnen ah chuan a nu chu nghet taka a muthilh thu a hrilh a, Gabriel chuan a fapa thusawi atang chuan thil dik lo thleng a awm tih hrethiam nghal in a theih anga rangin in lam ah a haw.

In a thlen chuan a nupui leh a fanu thla 2 lek chu khum ah thi in a va hmu ta a ni. Ojeda leh a fanu thihchhan hi an chhuichian pawh in inrawk leh suamna ang awm engmah a awm lo niin an sawi.

An rindan chuan Ojeda hian hypertension natna a vei niin an ngai a, thil thlen hian a fanu hi hnute a pek lai mek a nih vangin an pahnih hian nunna an chan phah ta a nih an ring.Hypertension hi high blood pressure ang hi a nia, stroke leh heart attack thlen in thih phah theih natna hlauhawm a ni.