Mizo Elite News hi ṭha i tihzawng a nih chuan min lo Follow dawn nia

A Fanu Ei Tur A Neih Zawh Loh Vangin Pa In A Pheikhawk Leh Bawnghnute Inthleng A Dil

Rilru leh thinlung a va khawih thin tak em. Harsa taka i inngaih lai pawh khan nang aia harsa ve leh chhawng te an awm a ni tih hi i lo ngaihtuah ve ngai reng reng em.

Nu leh pa te chuan fate tan chuan engkim an huam thin a, an neihchhun tak ngial pawh an hlan phal thin. Indonesia rama pa pakhat chuan a fanu ei tur a neih zawh loh vangin a fanu hraipuar nan a pheikhawk te chu Social Media ah bawnghnu nen a inthleng turin a dahchhuak a ni.

A fanu a hmangaihna vanga a thil tih hian mite thinlung a chhunsak chiang hle. Solopos ten a an tarlan ah chuan a fanu hi kum 1 lek chauh a upa a ni nghe nghe.

Social Media ah heti hian a ziak a “heng phawikhawk te hi hralh sum a tih a ni lo a, inthleng tur atan chauh a ni. Leather pheikhawk size 41 a nia, Dancow milk 1+1 kg pack nen a inthleng ka duh a ni. A man zat min zawt lo ula, inthleng chauh in ka duh” tiin a sawi.

He a thil post hnuk ti ulh hnawk thei khawp hian Solo (Surakarta) Police Chief, Kombes Pol Ade Safri Simanjuntak in a lo hmuh chuan a staff te hnen ah he pa tanpui ngai tak hi zawngchhuak turin a hrilh a ni.

A chanchin an hriatchian hnu chuan a fanu tana a pheikhawk leh bawnghnute inthleng dil tu hi a hming Ari Prasetyo a ni a, Mutihan, Laweyan, Solo ah khawsa in fa 3 a nei. A fa upa ber hi kum 18 a ni tawh. Ari hi cleaning service ah hnathawk in a fate hi a enkawl a, an dinhmun a harsa hle bawk.

An dinhmun khirhkhan tak chhawk zangkhai in a fanu tan bawnghnute mai bakah tanpuina sum an hlan a. Indonesian police te chungah an thiltih vang hian thinlung takin lawmthu a sawi a ni.