Mizo Elite News hi ṭha i tihzawng a nih chuan min lo Follow dawn nia

A Fa Lo Piang Tur Chu Mipa Nge Hmeichhia Tih Hriat A Duh Vangin A Nupui Rai Puar Pum A Zai Hawn Sak

Awih a va harsa em. A thil tih hi thil atthlak leh rapthlak tawpkhawk tak a ni. Engtin nge a nupui ngei chung ah heng thil te hi a tih theih zawk.

Uttar Pradesh,Bdaun a Nekpur locality, Civil Lines police station area ah Inrinni chawhnu lam khan pa pakhat Pannalal tia koh chuan a nupui rai puar chu a naute pai mipa nge hmeichhia tih hriat a duh vangin a pum chu alo zai hawn sak.

Hetiang thil a tih chhan chu Pannalal hian fanu 5 lai nei tawh in fa atan mipa a awt hle. A nupui in nau a pai leh hnu hian mipa nge hmeichhia a nih dawn tih hriat hmasak a chak em vangin heti hian a ti ta mai niin an tarlang.

A nupui pum zai hawnna atan hian hmanraw hriam a hmang tih senior police official (City) Pravin Singh Chauhan chuan a sawi. A nupui hi kum 35 a upa a ni a, a naupai hi thla 6 – 7 a upa a ni tawh bawk. Bareilly hospital ah hruai nghal niin a dinhmun pawh a ngaihtuahawm viau nia tarlan a ni.

A pasal Pannalal lakah hian FIR register a ni a, man a ni tawh bawk. India ram ah hmeichhia te dinhmun a hniam hle. Hmun hrang hrang ah mawi lo taka hleilenna thlengin pawngsual tawk hriat tur a awm reng. A then chuan fa atan hmeichhia an duh ngai lo, hmeichhia neih ai chuan tih tlak an hnial lo zawk ṭhin. A chhan pawh pasal an neihin thuamchhawm (dowry) ah buaina an neih phah. India ram khaw ṭhenkhat ah te phei chuan nau piang hmeichhia awm miah lohna te pawh hriat tur a awm.

IT