Mizo Elite News hi ṭha i tihzawng a nih chuan min lo Follow dawn nia

Doorbell Camera A Dah Ah Ngei Chuan A Nupui In Hmeichhe Dang Nen An Awmdun Lai A Manchhuak

‘A vawtuin ek a cheh tih zawng zawng’ kha hepa ah hian a langchiang khawp mai. An chenna in kawngkhar ah Doorbell Camera a dah a, mahse a Camera vuah ngei chuan a mualpho tir leh si.

Tiktok hmangtu hmeichhe pakhat Kaylie Kristina chuan a pasal chetdan tenawm tak a manchhuah chu a rawn phochhuak a. Kristina hian a sawidan in doorbell security camera hi a pasal ngeiin a vuah ani.

Video Clip ah hian a pasal hi in atang chhuak hmasa in midang an awm leh awm loh a thlek kual te te phawt a, chutiang a thil engkim a tha nia a chian hnuah hmeichhe pakhat hi lo chhuak ve leh in duh takin an lo infawp nghawng nghawng a, doorbell camera a awm tih a ngaihtuah chang tawh lo hrim hrim. Kristina ngei pawh a pasal in hnung lama a bumna ah hian a lungawilo hle a, hashtags ah “#cheater” alo ti hial bawk.

Kristina chuan a pasal hian camera hi a hmantlak tawh loh nia a ngaih thu a sawi a, mahse fiah fel fai takin a khawsak dan tenawm tak chu a nupui hma ah hian a phawrhchhuah sak ta ani. Video hi thawnchhuah a nih atang in mi maktaduai 5 chuang lai thlir tu a nei hman.

Video lo hmu tu a piang te chuan a pasal khawsa zia tenawm tak hi an sawisel na sa hle a, an nupa inkar hi engtin nge a awmzui zel tih erawh sawilan nilo mahse heng thil thlen hnu ah chuan runhmun an len dun leh  theih pawh a beiseiawm viau tawh lo hle ani.