Mizo Elite News hi ṭha i tihzawng a nih chuan min lo Follow dawn nia

A Danglamna Vangin Khawvel Dengchhuak Khawp Record A Siam Der

Mihring ah hian theihna kawng zawng hi chi hrang hrang a awm ve a, ho deuh tak tak ang a ngaih pawh hi khawvel huap khawp a Record siamna remchang a tling thei der zel a ni.

United State a Stamford,Connecticut a khawsa mek hmeichhia kum 31 Samantha Ramsdell hian mite laka a danglamna hmangin khawvel a dengchhuak ta ringawt mai.

Samantha Ramsdell hian ka reh zau ah nasa tak in malsawmna a dawng bik. Zau tak tak in a ka hi a ang thei a, a theihna hi Guinness World Record in an lo hriat chuan an belhchian hnu ah khawvel hmeichhia a ka ang zau thei ber Record neitu ah an puang ta hmiah.

Guinness World Record chhinchhiahna atang Samantha Ramsdell hian a ka an zau theih lai ber hi 2.56 inches a ni hem mai a, khum zo thei tur midang reng an awm lo.

Samantha hi Tiktok atang in a rawn larchhuak tan a, 2019 khan bul tan in a skill hrang hrang a phochhuah te chuan thlirtu te lawm a hlawh hle. A ka a an zau theihna chuan zuitu ngah ah hmasawn tir zel in 300,000 followers atang tunah zet chuan 1.7 million zet a neih phah ta dawr bawk.

Ramsdell chuan a title vawn atang hian midang te chu fuih nan a hmang a, an taksa lian lai emaw danglaina lai bik khan Guinness World Records title a hlawhchhuah tir thei tiin a sawi a ni.