Mizo Elite News hi ṭha i tihzawng a nih chuan min lo Follow dawn nia

A Client In Attorney Fee Tur A Neih Zawh Loh Vangin Lawyer Chuan Pawisa Ai Ah Chakai A Pawm Sak

Mihring hi khawvel a cheng theuh theuh si in kan dinhmun a in ang tlang lo theuh a, a then an hausak thur thur laiin a then lah in ei khawp tak ngial pawh hmuchhuak theilo an awm bawk.

He chanchin pawh hian rilru a khawih khawp mai. A harsatna sutkian sak turin Lawyer a ruai a, mahsela a lawyer rawihna man tur sum leh pai pek tur a neih leh siloh vangin a aiah Chakai a pe ta zawk hlauh a ni.

Hei hi Sorsogon City, Philippines a thil thleng a nia, Lawyer Noel Allen Bose chuan Sorsogon Court ah a client tan hian a inlan a, a client hian a rawih man fees tur pawisa reng a lo nei lo a ni.

Amaherawhchu Noel Allen Bose hi mi rilru tha tak mai a ni a, a Client in harsatna a tawh leh a awmdan te chu hriatthiampui in a neih tawk Chakai a khai sak chu lawm tak in a pawm ve mai bawk.

A thil tawn dangdai tak chu Facebook ah a tarlang a, courtroom pawna a thlalak, a kut leh lama chakai leh briefcase khai chunga a thlalak chu a dah a ni. Post hian reilo te chhungin 31,000 shares leh 103,000 reactions a hlawh hman a, Lawyer hi a ngilneihna ah an fak hle a ni.