Mizo Elite News hi ṭha i tihzawng a nih chuan min lo Follow dawn nia

A Chhungte That Mangtu Hmeichhia Shabnam Ali Chu Khaihlum A Nih Loh Nan A Fapa In President Hnenah Zahngaihna Lantir Turin A Ngen

 

Shabnam Ali hi kum 2008 khan a chhungte mi 7 lai rawng takin a tihlum vek a,a tihhlum zingah hian naute te pawh an tel a ni.

Hei vang hian thiam loh chantir a ni a, Uttar Pradesh a Jail ah khaihlum tur a sawi rik a ni. Khaihlumna hi kaltlangpui a nih chuan India ramin zalenna a hmuh atang hmeichhe khaihlum hmasak ber a ni ang.

Mahsela Shabnam Ali fapa kum 12 a upa Mohammed Taj chuan President Ram Nath Kovind hnen ah a hringtunu chungah zahngaihna lantir a, khaihlum a nih tur chu sut hram turin ziaka lehkha keng chungin ngenna a thlen a ni.

“Ka nu hi ka hmangaih a, President uncle thil pakhat chauh ka ngen duh chu. Khawngaih takin ka nu hi khaihlum suh u” tiin a lo sawi. Nu tello a hringnun hman hrehawm tur zia hi i ngaihtuahthiam pui ngei ang. A nu chu eng ang pawh in sual mahse khawvela a nu neihchhun a ni miau si a.

Shabnam Ali hian tual a thah khan a fapa Taj a pai lai hi a ni a, kum 6 a nih thleng a enkawl. Mahse kum 6 a nih hnu ah midang kutah hlan a ni a, Usman Saifi chuan a enkawl. A ni hi journalist a ni a, Shabnam hi Jail ah a va tlawh fo thin bawk.

Usman Saifi chuan Jail a Shabnam a va tlawh hian a fapa chungchang a lo zawt fo thin tih a sawi. Taj hi theihtawp a tha in zirna an pe a, a nu hian thil sual lian tak ti mahse Taj erawh hi chu naupang pawisawilo a ni a ti bawk.

Shabnam Ali hian a chhungte zawng zawng a tihhlum chhan ah hian a hmangaih ber an pawmpui theih loh vang a ni.