Mizo Elite News hi ṭha i tihzawng a nih chuan min lo Follow dawn nia

A Chhung Ten A Enkawlna Senso Tur An Neih Khawp Loh Vangin Hospital Ten A Hliam Pawh Thui Sak Lovin An Chhuah Tir Hnuah He Hmeichhe Naupang Hi A Thi

Uttar Pradesh a Private damdawiin ah hmeichhe naupang kum 3 mi hi Doctor ten abdominal surgery an tihsak a, mahse a chhungte hian Surgery atan senso tur ang sum an neih khawp loh vangin an ngaihsak tawk lo.

Hmeichhe naupang hi Kaushambi ah a chhungte nen an cheng a, February 15 khan a pum lama insawiselna a neih hnu ah Prayagraj a United Medicity Hospital ah an admit.

Hospital te hian a chhungte hnen ah Surgery atan nuai 5 a ngai dawn tih an hrilh a, amaherawh chu hetiang zat zat a tam pek tur an nei lo. Nuai 2 chu an pe phawt a, a bak zawng chu hun pe a hrethiam rih lawk turin an ti.

Hei veleh damdawiin a thawk tu te hian puih ngai em em hmeichhe naupang hi an enkawl zui duh tawh lo a, a hliam pawh thui sak mumal lovin an chhuahtir ringawt a ni.

Hmeichhe naupang patea Suraj Mishra chuan The Print te a hrilh dan in Hospital hian an admit hnu a kar khat ah an chhuah tir leh nghal. A dinhmun in that lam a pan loh zel takah chuan Feb 21 khan damdawiin ngai bawk an pan leh. Pawisa an phut ang tlak thei lova an chhuah tir atang Hospital dang ah a hliam hi thui tir turin an hruai a, doctor te lahin United Medicity pan turin an tia, mahse United Medicity hian an admit duh tawh lo.

Hmeichhe naupang hian March 4 khan a hliam vang hian a nunna a chan phah tih The Print chuan an puang a ni.

Kaushambi Police chuan hmeichhe naupang chhungte complaint hmang hian hospital doctors, Ankit Gupta lakah FIR a ziak lut a, damdawiin lam chuan an puh na chu dawt leh intih hmingchhiat tumna tiin an pha ve thung.