Mizo Elite News hi ṭha i tihzawng a nih chuan min lo Follow dawn nia

A Chhiat Loh Em Vangin Midang Ten Thik In A Nun A Hrehawm Phah Tih A Sawi

Chhiatloh leh hmelthat lutuk ringawt pawh hi harsatna thlentu mai a nih thu Model pakhat chuan a sawi a, a chhiat loh em vangin buaina a tawh phah thu a sawi meuh mai.

Slovakian model kum 25 a upa Veronika Rajek hian a chhiatloh na chu a nun ti hrehawm tu a nih thu a sawi a, a hmeichhiatpui te ngei atang itsikna tam tak a dawng tih a sawi bawk.

Veronika Rajek hi former Miss Slovakia 2016 finalist hial a lo ni tawh nghe nghe, Instagram ah maktaduai 1.1 lai zuitu (Followers) a nei a, mahsela amah lo hmu tu ten a chhiat loh em vangin a tak tak a nih an ring lo thin, hei vang hian Social Media pawh khawih tha thei lo a delete rum rum hial a tul phah a ti bawk.

“Hmeltha leh nalh te tan hringnun hi a hrehawm thin a lo ni” a ti a. Mi thenkhat ten Plastic Surgery hmang ah an puh a, a landan hrim hrim thik tu an tam bakah chung amah itsik a sawisel thin tu te chu a hmeichhiatpui te ngei an ni bawk.

“Hmeichhia te atang min selna thu dengkhawng tam tak ka dawng thin, a chhan chu min thik vang a ni. An bialpa te chu ka duh ve ang tih an hlau” tiin a sawi hial.

Rajek chuan a sawizelna ah a landan vang in thian pawh neih harsa a ti a, “sawisel bo niin ka inhre lo a, mahse midang te hian min hnaih leh min biak an hlau tlat. Hei hian min tih hrehawm phah. Ka thlalak te hi siam danglam ah min ngai a, mahse engtin mah ka khawih danglam lo. adjustments, shaping emaw filters pawh ka hmang lo a, smoothing tool chauh ka hmang. Hei hi chu thil pangngai niin ka hria. Ka hnute hi a lem nge a tak tih zawhna ka dawng fo a, chumi min finfiah sak tur chuan doctor hnenah ka kal phah hial. Heng mawina te hi Pathian in min pek liau liau a ni, midang te hian min ring se ka duh bawk” a ti.