Mizo Elite News hi ṭha i tihzawng a nih chuan min lo Follow dawn nia

A Boral Atanga Kum 1 Dawn A Liam Hnuah Maradona Chuan Pawngsual A Puhtu A Tawng

Football khawvela hriat hlawh leh hming dai tawh lo tur Maradona chu a boral atang kum 1 a liam tawh dawn tih ah hmeichhe pakhat chuan pawngsualtu ah a rawn puh ta tlat.

Cuban hmeichhia kum 37 mi Mavys Alvarez Rego chuan kum 20 liam tawh ah khan Maradona hian tihluihna hmangin min pawngsual a ni tiin khawvel hma ah a puangzar a, Buenos Aires a Press mite a hrilh danin Maradona nen an intawn lai khan kum 16 chauh a la ni. Maradona hi kum 40 a ni a, Cuba ah drug treatment a lak lai a nih thu a sawi.

Mavys Alvarez Rego hian Maradona nen an inkawp chhung hi kum 4 leh kum 5 inkar a nia, hetih lai hian a thianghlimna chu tih bawrhban sak niin chu pawh a duh reng vang nilo tihluihna hmangin a ni a ti. Maradona bakah a thuihruai te pawh khawichhe tu ah hian a puh tel.

“Ka hmangaih a, mahse ka haw hle bawk a ni. Ka ngaihtuah changin intihhlum hial ka tum thin” tiin Mavys Alvarez Rego hian a tawrhna a sawi a ni.

Alvarez Rego hian Maradona a puhna ah hian a hming in complaint erawh a file lo a, mahse NGO lam in an thehluh vangin finfiahna ang te chu Argentine prosecutor te hnen ah a pe. Tunah chuan Alvarez Rego hi Miami ah a cheng mek a, fa pahnih kum 15 leh kum 4 mi te a nei tawh.