Mizo Elite News hi ṭha i tihzawng a nih chuan min lo Follow dawn nia

A Bialpa Te Chenna In Ah A Hmuh Hnuin A Pa In A Chêk Hlum

A pa chuan a bialpa te chenna in ah hmu in a fanu ngei chu dimna leh hrehna nei hauh lovin hrei hmangin a lo chêk hlum.

Uttar Pradesh ah Kanpur Dehat a Khanpanna khua ah he thil rapthlak tak hi a thleng. He hmeichhia hi kum 18 lek chauh a la ni bawk.

September 15 zan khan an in a chhuahsan a, in aṭanga a chhuah hnu hian kum 20 mi a bialpa te chenna in lam a pan. A pa hian a bialpa leh a pa te hnen aṭang an fanu an bula a awm thu hi a hre leh. A fanu hian an hnena chen ve a lo dil niin an hrilh bawk.

Pa thinrim chu hrei nen a thawkchhuak nghal a, chhungkua a midang te pawh in an zui tel ve. An va thlen chuan a fanu hi in ah hawng turin a hrilh a, mahsela duh lovin a fanu nen hian an inhnial buai chho ta a. A thinrim so sang thut chuan in hrei a ken hmang in timna nei lovin a fanu hi a chêk ta a, a fanu hi a chet tawp ṭhak thlengin alo chek a ni.

Area a mi cheng dang te chuan pa leh fanu inthahna rapthlak tak hi mit ngeiin an hmu hlawm. A bialnu chhan a tumna lamah a fanu bialpa hian hliam a tuar phah bawk tih Police ten an sawi.

Senior police officials te chu thil thlenna hmun lam ah an kal nghal vat a, a fanu thahna hrei ngei pawh hmu in a pa hi thubuai an siam saka an man zui nghal bawk. A fanu bialpa a hliam tak hi district hospital ah enkawl niin ngaihtuahawm a ni tawh lo tih an sawi a ni.

IT