Mizo Elite News hi ṭha i tihzawng a nih chuan min lo Follow dawn nia

A Bialpa Tan A Kal (Kidney) A Pe A, Mahse A Bialpa Ngei Chuan Rinawm Loh Sanin Sirah A Hnawl Zui Thu A Sawi

Hmeichhe pakhat chuan a chunga a bialpa rawng taka a chetdan chu khawvel hriat ah a rawn puang a, a bialpa a hmangaih em em chu a kal (kidney) a pek hnu ah a bialpa hian rinawm loh sanin a ban zui leh thu a sawichhuak.

America a cheng Colleen Le, 30 hian a sawidan chuan a bialpa hi kum 17 ah chronic kidney disease tawkin dialysis treatment a ngai a, test te an neih hnu ah in mil hlauhin a bialpa chu a kal (kidney) leh lam pe turin thutlukna a siam ani.

Operation hlawhtling takin an neih hnu ah kum pawh a vei em hma in an in hmangaihna chuan hmawr a bawk fel zui ta a, a bialpa hian Las Vegas a trip neia an chhuahna ah a rinawm loh san tih hrechhuak in hemi hnu hian sirah a hnawl ta tih a sawi.

Colleen chuan “ka kal (kidney) pe turin a in mil leh mil lo kha fiah ngei ka duh a, a chhan chu ka bialpa thi lai hmuh ka duh lo. Ka hlauthawng tak zet bawk” ati. Operation an neih atang a thla 7 ah Vegas a bachelor party a kal tum pawh chuan a ringtawk em em a, hetiang lam reng a rilru ah a lan loh vangin a final exam hmachhawn turah ringawt chuan a insawrbing ani.

Mahsela a rin em em a bialpa ngei chuan a rinawm loh san ani tih chu zep rual lovin a in puang a. An inkarah chuan hun thim lai ber chu tawng chhovin an inhnialbuai tan ta a, Colleen hian a bialpa chu ngaidamin hun tha dang siam sak leh mahse thla 3 hnu ah chuan an inkar chu a tawp ta tho a ni ati.

Social media platforms hrang hrang ah te chuan a bialpa hian biak pawh theih lovin a block vek a. Tiktok kaltlangin a thiltawn lungchhiatthlak tak hi puangin thlir tu an thahnem hle a, maktaduai 2 lai like tu a nei tling thei.

A nunna chhanhim sak tu laka a rinawm loh lutuk vangin mitam takin Colleen bialpa hi nasa taka dem in an chuk rawn luai luai hlawm a, Colleen hnen ah chuan mi pakhat nunna hlu tak a chhan ah in ngaiin a nunah mipa tha tak dang a tawn leh ngei tur thu in an hnem liam liam hlawm.