Mizo Elite News hi ṭha i tihzawng a nih chuan min lo Follow dawn nia

A Bialpa Nen Hmaichhan A An Inhmuh Hma Lawkin Zeng Natna Chuan Tlakbuak In A Che Thei Lo, Mahse A Bialpa Chuan Hmangaihna Nen A Enkawl Chhunzawm

Hmangaihna chuan pawn lam landan reng a thlir lova thinlung atanga chhuak zawk a ni tih a va tichiang kher em.

Chiang Mai, Thailand a pa pakhat kum 31 a upa chuan a bialnu kum 21 a upa zeng natna in a tlakbuak hnu ah a nghawng a chin hnuai lam ti che thei lo chu hmangaih tak leh duat taka enkawl in alo tuamhlawm zui a ni.

News Flare in a tarlan ah chuan Narawut Phongyen leh Patcharaphan Lenkham te hi July 2015 khan an intawng a,hmaichhan ngeia an inhmuh hma in thla 7 lai chu a biakin an inbe hman. Hetia an inbiak fe hnu ah hmaichhan ngeia inhmu tura an ruahman mek lai chuan Patcharapan zawk hian accident tawk palh in ramtuileilo in a awm zui phah.

Patcharapan hi a bialpa nen inhmu tura an tih hun hma lawk ah chuan herniated disks in tlakbuak in a nghawng a chin hnuai lam zawng chu a zeng. Narawut hian a bialnu chunga thil thleng a hriat hnu chuan inhmuhna tura an tih Restaurant a book sa vek tawh chu a cancel a, hospital lam pan zui nghal in damdawi in khum chu an first date a ni ta a ni.

Narawut hian a bialnu dinhmun chhe bera a awm a hmuh chuan kalsan mai lovin a kiangah a awmpui tlat zawk a, hmangaih leh duat takin a lo kuangkuah. Nitin ei tur pe in a tifai ziah a,a room te a thenfai bakah a thuamhnaw thlengin alo suk sak vek thin.

Physiotherapy sessions ah chuan a tanpui a, a kut ke a hman leh ngei theih nan theihtawp alo chhuahpui bawk.

Patcharaphan pawh in heti khawpa amah hmangaihtu mipa a tawng chu vanneih a intih thu a sawichhuak hial a, a bialpa Narawut chu a kut ke ten hriatna an neih leh ngei theihna tura amah ah phurna pe tu ber a nih thu a sawi. Engtik ni ah emaw a kal theih leh hun ah chuan a kiangah a awm tlat tur thu a sawi ve nghe nghe.

Narawut chuan amah Patcharaphan leh a chhungte hnen ah chuan thu tiamin a dam fel hun ah propose a nupui atan nei ngei tur in alo intiam thlap bawk a ni.

Hei ngei hi hmangaihna dik tak an lo sawi thin chu a ni. Harsat leh mangan na lo thleng ah pawh a hmangaihna dal ve lo leh ruahsur in a tlenfai mai mai theih loh hmangaihna.

WOB