Mizo Elite News hi ṭha i tihzawng a nih chuan min lo Follow dawn nia

A Bialpa Nen An Kum A Inthlauh Lutuk Vangin Midangin Nu Leh Fapa Emaw An Ti Hial, A Fate Ai Pawn A Bialpa Hi A Naupang Zawk

Hmangaihna kawng ah hian kum ringawt ah alo innghat thui lo hle tih he in hmangaihte pahnih atang a chiang khawp mai.

Norh Carolina a mi nu pakhat , tu hial nei tawh kum 50 mi Sharon Hawkins hian a kawppui atan bialpa kum 22 leka upa Perry Hopstein chu a thlang a, mite mak tih a hlawh in netizens ten an chanchin hi an sawi duh hle bawk.

An pahnih hian Dating app lun tak Tinder kaltlangin an inhmelhriat. An kum inthlauhna hi kum 28 zet a ni bawk. Hei vang hian inngaizawng nilovin nu leh fa awm zawk tak ang ti tu an tam.

Sharon hi secondary school zirtirtu a nia, a bialpa nu ai pawn kum lamah a tam. Mahsela Perry a hmangaihna avang leh an hlimna turin an kum chu in dal tir a tum bik lo hle.

Perry ai hian a fate 3 pawh an la upa zawk daih a, kum 16 pasal atan a lo neih tawh nen 2015 khan inthen in hemi hnu hian mipa dang a nei leh tawh lo.

An kum inthlauh lutuk vang hian harsatna pawh an tawk ve tho a, an tan a thatna tur in an inthen ve zuai tawh bawk. Amaherawhchu khuanu ruat an ni ngei tih theih turin an inngaiin an inthlakhlelh em vangin an inkawp tha leh ta a ni.

“Perry nen hian awm dun ngei tur kan ni. Midang te chuan an duh duh in lo sawi mahse kan ngai pawimawh lo” tiin Sharon chuan a sawi.

Sharon hian Perry chu kum lamah naupang zawk mahse amah a Care thiam thu leh a Romantic zia a sawi a, mi special taka siam tu in a fak viau bawk. Tunah hian inhualna nei tawhin kum in chhung ngei hian damchhunga nupa ni turin inneih an tum bawk.

Hringtunu te ang kum rual pui pui pawh hmangaihna ah chuan pawm lawp lawp a tul a, a thiangzau khawp mai.