Mizo Elite News hi ṭha i tihzawng a nih chuan min lo Follow dawn nia

A Bialpa Nen An Inthen Hnuah An Inkawp Laia An Inhmangaihna Tihnghehna ‘Love Lock’ An Neih Tichhe Turin Hmun Hla Takah A Zin

Hmangaihna lak nat dan hi mihring ah hian a in ang vek kher lo. A then hmangaihna la na tak an awm a, a then te erawh chuan an la Serious hranpa miah chuang lo.

He hmeichhia erawh hi chuan a bialpa nen an inthen hnu ah an inkar inzawmna zawng zawng chhut chah vek a duh a, a hmangaih then tawh nena an thil lo tih dun te chu a rilru nawm nan tihchhiat a tum tlat a ni.

Kassie Yeung hian a bialpa nen an inkawp laia an hmangaihna tihnghehna tura thu thlung a love lock an neih chu an inthen hnu ah tihchhiat leh tum in hmun hla takah a tihchhiatna tur cutter lian tha zet nen a zin.

Pacific Ocean pelin 5,953 miles a hla lai zinkawng a zawh. Tarlan dan chuan Los Angeles, US atang Korean khawpui Seoul ah love lock sut tur hian a kal.

Yeung leh a bialpa hlui te hian 2019 khan dawr atang tala te an lei a, hetah hian an hming ziah hnanin South Korea a N Seoul Tower ah chuan an kalh dun thlap a ni. Heti lai hmun hi inngaizawng tam tak ten an pan fo thin a ni nghe nghe.

Tiktok kaltlang in a zindan hi Yeung hian a tarlang. Mi thahnem tak ten an hming an lo kilh hnan tawh vangin Kassie hian an love lock hi a zawn chhung hun a duh hle a, minute 30 a rei zawn nan hian hun a hmang.

A hnu ah a bialpa nena lungrual taka an lo kalh hnan love lock chu hmuchhuak in, a tichhe thei ta a ni. Di hlui nena an inzawmna a chhu chat fel thei chu Kassie pawh a hlim viau.