Mizo Elite News hi ṭha i tihzawng a nih chuan min lo Follow dawn nia

A bialpa hlui tih mualpho leh Jail bang a zut tir theih nan Instagram Profile lem 30 lai a siam vangin Jail a tan phah zawk dawn

Hmeichhe pakhat chuan a bialpa then tawh chu mualpho tak leh zak taka a siam theih nan thil a lo ruahman a, Instagram profile lem 30 lai a siam tih hriatchhuah ani.

Courtney Ireland-Ainsworth hian hetiang a tenawm taka a chet chhan hi a bialpa in Jail bang a zut theih nan ani. Account lem a siam hmang hian amah chu vauna bawlhhlawh tak tak a inthawn bawk.

Kum 20 a upa Courtney Ireland-Ainsworth hi Brackendale, Runcorn a khawsa a ni a, Police te hnen ah a dawt phuah chawp hmang hian a kawppui hlui Louis Jolly chuan thah tum in vauna nasa tak a thawn thin a, a zarbuai fo tiin a zualko ani.

Police te hnena a bialpa in a zarbuai thin thu a thlen hnu ah Louis Jolly hi vawi 6 lai man a tawk. Custody ah darkar 81 lai hren ani. Home curfew hmanga hrem a nih bakah a hna hial a chan phah bawk.

Police ten investigation an han neih chuan 17 Instagram accounts te chu Courtney in leh mobile phone a email addresses leh IP addresses hmanga siam ani tih an hrechhuak ta a, Jolly chu dawt hmangin thubuai an lo siam sak char char zawk alo ni.

Courtney chetdan tenawm tak hrechhuaka inpuanna a neih hnu ah a thubuai te chu hlih sak a ni a,Jolly chuan dawt hmanga puh anih khan nun hian hlutna neia a hriat loh thu leh thih chakna hial a neih hman thu a sawi.

Dawt hmanga natna leh hmingchhiatna thlen sak tu Ainsworth chu Liverpool Crown Court chuan thla 10 chhung Jail tang tura a hrem bakah Jolly hnaih loh turin kum 10 chhung restraining order a tichhuak ani.