Mizo Elite News hi ṭha i tihzawng a nih chuan min lo Follow dawn nia

A Bialpa Hlui Thah Nan Ei Tura Tûr Pawlh A Thawn A, Mahse A Bialpa Ai Ah Ei Tur Deliver Saktu Fapa In Nunna A Chan

Phuba lak tumna avangin mi pawisawi lo pakhat in a nunna a chan phah ta der mai. A pawi tak zet.

Indonesia rama Bantul, Yogyakarta ah hmeichhe pakhat kum 25 a upa chuan a bialpa hlui laka phuba a lak theih nan a ei tur satay ah tûr (poison) telh sak in an chenna a kensak turin delivery alo ruai a.

Deliver saktu pa hi a hming Bandiman a ni. Bandiman hian April 25 khan ei tur pe tur hian a chhuak a, chhawr tu nu bialpa hluite chenna lam a panpui a ni. Mahsela a bialpa hlui nupui chuan ei tur hi alo la duh ta reng reng lo mai a. A thawn tu a sawi chu a hmelhriat pawh a nilo tiin a ei tur ken te chu Delivery man hnen ah hian a in ah hawn a, tlai lam ei ah hmang turin a lo hrilh a ni.

Bandiman pawh in chutia hawn tura a tih tak tlat ah chuan hnial buai lovin a hawn a,tûr a tel a ni tih hre reng reng lovin in ah a fapa kum 8 leh nupui te chuan an ei. Satay ah hian potassium cyanide telh a ni.

A fapa in a ei hnu lawk chuan luak a bei zui vakin a taksa a nuam lo nghal a, reilo te hnu ah a thih phah. A nupui pawh hian ei tur chu a lo ei ve ngei a, mahsela a ni erawh in a ei tlem vangin engmah nghawng thalo a neilo thung.

Police ten investigation kimchang takin an nei chho a, mawhphurtu ber hmeichhia hi April 30 khan an man bawk. He hmeichhia hian a bialpa hlui in hmeichhe dang nupui atan a neihsan vangin phuba lak a duh tih a sawi a ni.

A fapa chantu Delivery Bandiman chuan thil thleng vanga a inchhirzia a sawichhuak a, “ka thil tih kha pawi ka ti tak zet. In lam a he ei tur satay ka hawn vang vekin ka fapa hi a thi a ni. Kha ei turah khan tûr a awm a ni tih hria ila chuan engmah thleng lovin ka fapa hi ala dam ngei ngei ang” tiin a sawi.

Ei tur thawntu nu hian online application hmang lo leh a nihna dik tak a tihlan loh vangin thiam loh chantir a nih chuan damchhung Jail a tang ang.