Mizo Elite News hi ṭha i tihzawng a nih chuan min lo Follow dawn nia

A bialpa hlui nupui neihna ah chuan kalin a kianga a let leh theih nan thuamchhawm man tlawm a tiam

Inneihna reng reng ah thuamchhawm hi thil pawimawh tak a ni thin a. Thuamchhawm phut a san lutuk erawh chuan chhungkaw pahnih ah inremlohna a chhuah phah thung.

China rama hmeichhe pakhat chu a bialpa hlui nupui neihna ah a kal a, midang te hmuh laiin tap chungin a bialpa hlui hma ah thingthi in a diklo tak zet tih a sawi a, a kianga let leh turin a ngen in alo ngen tih an sawi.

Sina in a tarlan danin he hmeichhia leh mopa te hi a hma in an lo inkawp tawh thin a, innei tura thutlukna an siam fel lek lek tawh tihah hmeichhe lam chhung te atang in a nu chuan thuamchhawm atan 660,000 RMB alo phut ani.

A nupui ni mai hringtu nu in a lak atanga sum tam tak a phut vang hian a hrilhhai hle a, chutiang zat zat pawisa pek tur a nei silo. A bialnu lah chu a chhungte thu a kipa kawiin a awih em em a, engmah an thutlukna ah hian sawi a neilo. Heng thil vel vang hian inrem thei ngang lovin an inthen phah ani.

A bialpa hluiin nupui a neih thu a hriat chuan inneih kawr var nen a kal ve a. Thuamchhawm ah chuan 660,000 RMB chu a ngai lo a, 180,000 RMB chauh a pek zawk a ngaih thu a hrilh a. A nu pawh in a rem tih vek thu sawiin a bulah kir leh hram turin a ngen in a ngen.

Amaherawh chu a bialpa hian a sawmna hi a lo duh tawh bik der lo. Thuamchhawm tlawma a bula let hram tura a bialnu hlui ngenna chu alo hnawlsak tih tarlan ani. He hmangaihna thawnthu lungchhiatthlak hi Internet ah a darh nasa nghal hle.