Mizo Elite News hi ṭha i tihzawng a nih chuan min lo Follow dawn nia

A bialpa hlui nen hmangaihna meipui an chhem alh leh hnu ah J.Lo pawh a hlim

Khawthlang milar tam zawk te nun ah hian hmangaihna nghet nei hleithei meuh lo an awm nual a, an zingah hian Actress leh Singer, Jennifer Lopez ngei pawh hi a tel. Pasal leh ngaihzawng zawn kawng a tluang lo ber a ni ti ila a suam lem lo ang.

A pasal hual Alex Rodriguez nen an innei tep tawh ang chu ti a nghakhlel taka fans ten an thlir reng laiin an inthen thut mai a, an inthenna in news a luah lum lai rengin a hmangaih hmasa then tawh hnu lemchan thiam Ben Affleck nen kum 17 zet an inngaihven loh hnu ah an inkarah hmangaihna meipui an chhep alh leh hluah hluah bawk.

Miten J.Lo an ngaihdan pawh a phir nasa hle hlawm a, ama ngaihdan erawh a dah pawimawh hmasa ber thung. Media ten chaw tui taka a chanchin an sawizui chu a haider lui tlat emaw tih turin a sawichhuak lem lo.

J. Lo hi tunhnai khan Montana ah a bialpa thar Ben Affleck nen romantic trip nei a an chhuak pawh Paparazzi lam in an lo chang fuh leh. Trip neia an chhuah hnu ah a hna lamah a kir leh tawh bawk a, Miami lamah Project thar a buaipui mek.

Jen in Project a buaipui hi tarlan chiah erawh a ni lo a, mahsela celebrity stylist Rob Zangardi in BTS vel tarlan atang chuan buaipui eng emaw tak chu an nei tih hairual a nilo.