Mizo Elite News hi ṭha i tihzawng a nih chuan min lo Follow dawn nia

A Bialpa Cancer Vei Enkawl Zawk A Duh Vangin Nuam A Tih Em Em Football A Chawlhsan Phah

Hmangaihna vang in nuam a tih leh a tuina tak pawh a bialpa tan chuan thlauh thlak vek a huam a ni. A fakawm khawp mai.

Melbourne City star, hmeichhe Footballer Rhali Dobson hian a bialpa Cancer vei mek a enkawl theihna turin Football atang a chawlh tur thu a puang a ni.

A bialpa Matt Stonham hian tunah hian thluak Cancer a vei mek a, enkawl lai mek a ni. Matt kianga a hun tam zawk hmanga buaipui a duh vangin Football hi chawlh a tum.

Ningani a W-League match khelh ah khan Dobson hi international level ah Australia ai awhin a khel ve a,Perth Glory lakah 2-1 in hnehna an chang. Inkhel hi a bialpa Matt hian a hmun ngei ah a en. Inkhelh zawh hnu ah hian a teammate te hmuh lai in a bialpa Matt hian a Propose nghe nghe bawk.

Rhali Dobson pawh in a bialpa hnen atanga Propose a dawn chu lawm takin a lo pawm sak a, a Teammate te hnen ah Football zinkawng a zawh tawp thu hi a hrilh zui ta a ni.

“Sport aiin a ni hi ka tan a pawimawh zawk a, ka khawvel a ni” tiin Dobson hian Matt chungchang hi a sawi. Matt hian kum 6 liam ta khan Cancer hi a vei a, radiotherapy leh chemotherapy hmang ten enkawl a ni.