Mizo Elite News hi ṭha i tihzawng a nih chuan min lo Follow dawn nia

A Bialnu Thikthu Pe Chhe Tak Mai Lungawi Nan A Motorcycle Hnunglam Seat Ah Thil Zum A Dah Vek

Inngaizawng te inkara buaina tham pakhat leh inhauh zin ber pawlna ni bawk chu thikthuchhiatna hi a ni. Mahni bialnu/bialpa te chu kan lo hauh viau pawh a ni thei e, mahsela alo a luakchhuaka thikthu pek chhiat hi thil awm thei a ni.

Indonesia rama mipa pakhat Khoirul Anam hi a bialnu a tlawn lungawi dan avangin Internet ah a lar hle a, tarlan dan in a bialnu hi thikthu pe chhe fahran tak mai a ni tih an sawi a ni.

Khoirul Anam bialnu hian a Motorbike hmang in amah lo hmeichhe dang phur fo thin ang in a puh a, a bialnu lakah hian Anam chuan a puhna ah a insawifiah chung chung pawh a rin theih loh chang a nei fo thin bawk.

A tawp ah chuan a rinawm tawk a ni tih lantirna tur thil a ngaihtuahchhuak a, a motorbike hnung lama thutna ah chuan midang thut theih hauh loh turin thil zum perek a bur tir fer fur mai a ni.

He mi Post hi a viral zui chiam a, 28,000 zetin an Share chhuak tawh bawk. Seat ah hian perek zum a dah tlat vang in a chhungte leh a bialnu ngei ngei te pawh an chuang thei dawn lo hrim hrim a, a hmalam zimte bak tih loh chu inphurh ngaihna a awm lo hrim hrim.