Mizo Elite News hi ṭha i tihzawng a nih chuan min lo Follow dawn nia

A Bialnu Thar Chu A Hmangaih Zia Fiahna Atan A Bialnu Hlui Rawng Takin A That

Hmangaihna hi a kal dik loh palh chuan thil hlauhawm tak a thlen phah thei tlat reng a ni.

Russia pa chuan a bialnu thar chu a hmangaih zia leh amah chauh a duh zia tih lanna atan a bialnu hlui a ṭhen tawh chu rawng takin a nunna a lo laksak.

Aleksey Petrov, 20, hian a bialnu hlui Anastasia Pospelova chu thlem in Russian village of Suzun, Novosibirsk region kiang hnaiha ramhnuai ah a hruai.

Report in a tarlan dan chuan Petrov leh a bialnu thar Yekaterina Karpova, 20 te hian Anastasia hi Party nei turin June 14 khan an sawm a Anastasia pawh hian a lo aw ve mai a. Ramah chuan kalin bonfire te buatsaih in zu te an in ho hmasa.

Chutih lai chuan Petrov hian a ipte aṭang chemte phawrhin a bialnu hlui Anastasia hi a nghawng ah vawi khat aia tam a vit/zai hman. Anastasia hian Petrov hi beilet in a tlanchhe thei hram a, mahse a hliam a nasa hle.

A thian pakhat hnen ah puihna a dil a. “Min pui rawh. Ramhnuai ah ka awm a, ka nghawngah min zai a, min that dawn” tiin mangang takin ṭanpuina a ngen.

Mahsela a ṭhian hian Anastasia chu a ruih vangin fiamthu in a call mai mai ah alo ngai a thu tak hla takah a lo ngaihsak lo.

Anastasia hi Petrov te lak a bih ruk a tum chu an man hman a, Petrov hian bei leh in a nunna hi a laksak ta a ni.

Khua an kir hma in a ruang hi an thuk ru a. Anastasia hi bo angin an sawi zan. Thil thlen hnu ah Police te chuan Anastasia ruang hi an hmu a, Petrov leh Karpova te hi thu zawtfiah in an thil sual tih hi Police hnen ah an inpuang ta a ni.

Investigator te chuan Karpova hian kum 2 mi fapa a nei a, a bialpa Petrov bialnu hlui lakah hian thikthu a lo pe chhe hle a ni awm e. Petrov hian a hmangaihzia lan tir nan a bialnu hlui Anastasia hi that turin thutlukna a siam ta a ni.

Law enforcement lam chuan he tualthahna ah hian Investigation an nei nghal a,Petrov leh Karpova te hi Custody ah hreng ve ve in kum 15 thleng Jail bang an zut ve ve hmel.

The Sun