Mizo Elite News hi ṭha i tihzawng a nih chuan min lo Follow dawn nia

A Bialnu Nia A Sawi Kum 12 Mi Raipuar Chu Damdawiin Lama Nau Neia A Hruai Hnuah Thubuai An Siam Sak

Oklahoma pa pakhat kum 24 mi Juan Miranda-Jara chuan damdawi in ah a bialnu nia a chhal kum 12 chu nau nei turin a hruai a, mahse thubuai siamsak a ni ta zawk.

Tulsa Police Department te chuan July 14 khan Juan Miranda-Jara hian a bialnu nia a chhal kum 12 hi tualchhung damdawiin ah nau nei turin a kalpui a, an awmdan ah hian damdawiin thawk te ngaih pawh a tha lo hial reng a ni.

Police te hial koh an nih phah a. Mahse Miranda-Jara chuan a bialnu kum 12 nen hian October 2020 atang an inkawp tawh thu a sawi. A nau pai mek chu a fa a ni tih a hrilh bawk.

Mahsela hmeichhe raipuar mek hi kum 12 chauh a ni si a, Oklahoma a kum bithliah dan ah kum 16 pawh ala tlin loh vangin pawngsual angin kalpui a ni thei dawn. First-degree in pawngsual thubuai awrh tir a nih hnu ah an hreng a ni.

Officer Danny Bean chuan nupa tuak dang te ang bawk in damdawiin ah hian an lut tih a sawi. Mahse Miranda-Jara leh hmeichhia te inkar hi engmah hriatchian a nih loh bakah kum 12 lek chauh a nih vangin an ring ngam thei lo.

Miranda-Jara hi $50,000 bond siam sak a nia, August 26 ah Court a inlan leh tur a ni. A bialnu hian tluang tak in naute hi a nei thei tih an tarlang bawk.