Mizo Elite News hi ṭha i tihzawng a nih chuan min lo Follow dawn nia

A Bialnu Leh A Fapa Te Mut Dun Vangin Hrei Hmangin A Chek

A fapa kum 12 miin Police a koh hnu ah Angela del Pilar Ferro Gaitan, 30 chu an chenna Bogota, Colombia ah Inrinni, October 17 khan hliam na tak tuara hmuh a ni.

Police te hnen ah chuan Angela hian a bialpa Miguel Camilo Parra an thikthuchhiat vangin a lu ah hrei (axe) hmanga vawi tam a cheh thu a hrilh.

A bialpa Miguel Camilo Parra hian Angela hi a ringhlel a, a fapa ngei lakah pawh a thikthu a pe chhe hle. Angela leh a fapa te khuma an mu dun a hmuh chuan thinrim in hrei hmangin a chek ta mai a ni awm e.

A bialnu na taka a hliam hnu ah Camilo hi a tlanbo nghal a, Angela fapa hnen ah chuan thil thleng hi midang hnen ah a sawichhuak a nih chuan a tawrh ve tur thu a hrilh zui bawk.

Mahse a kal liam hnu ah a fapa hian a nu chunga thleng chu sawiin Police a ko ta a, Angela hi rang takin damdawiin lam an panpui nghal a ni.

Angela ṭhian Oscar Salazar chuan a hliam thlalak te Facebook ah a phochhuak. Doctor in hetiang khawpa hliam lian tham tuar a Angela a la damchhuak leh nikhua a la hria chu thil mak a ti ve hial.

Hmun 7 lai ah hliam a nei a, a lu ruh te a khi bawk. A bialpa hi thla 8 chhung alo chenpui tawh a, a fapa laka a rilru put ṭha lo tak vang hian Angela awm pawh a ti nuam lo hle ṭhin.

A bialpa hi zawn mek a ni a, Angela dinhmun pawh ngaihtuahawm tak a nih tawh loh thu tarlan a ni bawk.

Dailystar