Mizo Elite News hi ṭha i tihzawng a nih chuan min lo Follow dawn nia

A Bialnu Inneihpuia A Sawm Chu A Chesual Hle, A Zungbun Tuipui Ah A Tla Daih

He wedding proposal hian Internet ah en a hlawh hle a, a ṭhen phei chu a lo nuih hnem tir viau nghe nghe bawk.

Mipa pakhat in la romantic tak chuan a bialnu propose na dangdai deuh mai a siam a, tuipuia lawng chung ah, ni tlak dawn hnaih ah chuan inneih puiah sawm in alo propose a ni.

He pa hi a hming Miles Sueharto niin an tarlang. A bialnu hi Angelina Zalesova a ni. Florida a Sarasota coast ah a bialnu hma ah hian alo ṭhingṭhi hnap.

Chutia a ṭhingṭhit lai chuan a ṭhian te zinga pakhat hnen ah zungbun chu a dil a, a ṭhianpa in zungbun bawm an vawrh phei chuan lo dawng hman lovin tuipui ah chuan a tla lut daih mai. A bialnu hma ah hian a inthlahrun hmel viau.

A ṭhian pakhat chu tui ah hian zungbun box chhar turin a zuangthla nghal. Zungbun chhar a nih hnu ah Propose ṭha leh in a bialnu hian alo pawmsak ta a ni.

Video lo thlir tu te chuan zungbun an hmu leh hlauh chu a vanneihthlak an tih thu an sawi a, tlema tlem ah a bialnu hma ah a mualpho chhe teuh hle an ti.

Mahsela hetia video a darh hnu ah Sueharto hi a rawn insawifiah a. Thil thleng chu tihpalh nilo a ruahman lawk vek a nih thu a sawi. A ṭhian te chuan he idea hi an nei tih ABC7 News a hrilh a, ruahmanna vek a ni chungin a bialnu erawh hian engmah a hrelo. Tuia box an vawm thlak chhungah khan engmah a awm lo a zungbun chu an ṭhian pakhat ipte ah him taka an dah thu a sawi. An thil tih hi Sueharto pawh hian miin an lo ngaihven ang tih pawh a ring bik miah lo.

IE