Mizo Elite News hi ṭha i tihzawng a nih chuan min lo Follow dawn nia

A Bialnu In iPhone Lei A Ngiat Tlat Vangin Inngaizawng Te Inkarah Innghirnghona A Thlen Phah

Apple Product hi thalai te zingah chuan ngaihsan a hlawh. iPhone hmang pha chin chu kan ngaisang em em zel mai tawh a, mahsela maw iPhone man to tak i hum ringawt kha changkanna a ni miah lo.

Phone man to ka hum a ni tia ilo in tihtheih leh chapo pui ve em em lai khan hnung lama an sawidan tur che dawn hmasa rawh. I chhungkaw dinhmun leh i sum thawhchhuah a zir zelin nundan thiam la, neih phak baka midang hmuh a nun tum hian mi nuih kan ti za mai mai zawk a ni.

Inngaizawng te inkarah pawh heng Electronic man to tak tak te hian buaina a lo thlen phah fo thin a ni. He tleirawl inngaizawng te pahnih hian Social Media ah sawi an hlawh nasa hle a, a chhan pawh engdang vang nilovin Phone zawrhna a an intihthiam loh vang a ni.

An innghirnghona chhan ber pawh a bialnu hian a bialpa lak atang hian Apple kutchhuak ngei iPhone lei sak turin a ti a, mahsela a bialpa hian sum lamah harsatna alo tawk deuh ni tur a ni, iPhone aiin mi nawlpui hman thin phone brand dang a lo lei sak.

A duh ang a leisak loh avang chuan hmeichhia hi lungawi lovin a thim a rim em em a, Phone zuartu te hma ah chuan a bialpa chu a lo nam deuh chawrh chawrh. Thil thleng hian ngaihtuahna a ti thui tak zet bawk.

Aw nula, i bialpa in a neih phak tawk hmanga i hlimna thlensak a tumna ah che khan lungawi mai la, thil thar leh changkang ber ber a leisak che ngiat duh kher suh.