Mizo Elite News hi ṭha i tihzawng a nih chuan min lo Follow dawn nia

A Bialnu Hlui Tuboh Hmanga Chhu A Hal Zuitu NYC Pa Chu A Chungthu Ngaihtuah A Ni Tawh

Harlem pa pakhat Larry McGloster, 28 hian a bialnu hlui chu rawng taka a sawisak hnu in a hal zui tih hriat a ni a, a hremna turin a chungthu rel fel a ni tawh bawk.

Thil thlen hun hi June 12, 2018 daih tawh khan a ni. November 20 khan a thil sual tih ah hian thiam loh a chang.Larry McGloster hian a bialnu Alicia Avery chu Frederick Douglass Houses, Upper West Side a apartment ah a bei ngei a ni tih a lo inpuang.

Alicia Avery hi tuboh hmangin a lu leh a hmai ah te a chhu a, a ha te balin a luruh te a khi tel bawk. Hemi hnu hian a nung chungin a hal zui tih hriat a ni. Larry kut tuar hian Avery hi intensive care unit ah thla 2 ai a tam a awm a, Sept. 6, 2018 khan a hliam tuar lovin a boral.

Avery pahrawn Ayodel Gazelle Alexander chuan Avery chunga thil thleng vang hian a nu chu a kehsawm vek a ni ber a ti a, a tawrhna leh natna hi hun in a her liampui mai loh tur thu bakah a hna leh a nun thlengin a nghawng phah thu Manhattan Supreme Court ah a sawichhuak nghe nghe. Avery chunga a thil tih vangin Larry McGloster hi Ningani khan kum 21 tang tura tih a ni.

DailyNews