Mizo Elite News hi ṭha i tihzawng a nih chuan min lo Follow dawn nia

A Bialnu Hlui Naute Nei Ṭep Chu Vawi 20 Chuang Lai Mai Vitin A Naute Nen An Thih Phah Mahse A Tihsual Ah Pha Tlat

Thornton Heath, South London ah chuan hmeichhe pakhat naute nei ṭep tawh Kelly-Mary Fauvrelle (kum 26) chu an chenna in a a bedroom ah rawng taka thah a ni a, chemte hmanga vawi eng emaw zat vih a nih hnu ah a boral.

A thattu ah hian a bialpa hlui alo ṭhen tawh Aaron McKenzie, 26 chu tualthattu ah an puh. McKenzie hi Ms Fauvrelle nen hian an inṭhen tawh a Ms Fauvrelle hian mipa thar tawng tawh in chu chu a bialpa hlui hian a lo thik hle niin an sawi.

Kelly-Mary Fauvrelle hian chawlhkar 33 a upa nau a pai lai mek a ni a. Chemte hmangin vawi 21 lai mai vih a ni. Beih a tawh lai hian an in ah a chhungte dang pawh an awm a, zan an mut laiin Kelly hliam tuar thawm hi an lo hria.

A puma a pai a fapa Riley chu cesarean in a piang a, a ni pawh khawvel eng a hmu rei lo. Riley hi damdawi ah enkawl ni mahse a nu vihna ah hian a thluak lamah harsatna a neih phah a, ni 4 hnu lawk ah a boral ve leh nghal.

Pawikhawihtu a bialpa hlui McKenzie erawh he thil ah hian a pha a, thil thlen lai khan Peckham a a nu in  ah zan a riah thu a sawi. Juror te erawh chuan CCTV footage ah amah ngeia an hriat mipa baseball cap khum a gloves leh trainers inbel chu tualthahna thlen hma 2.15am vel khan thil thlenna hmun hnaih kawtthler ah an hmu. Trial hi neih leh ala ni dawn.

The Sun