Mizo Elite News hi ṭha i tihzawng a nih chuan min lo Follow dawn nia

Kum 80 A Upa Nupa Te Chu An Video Lungchhe Tak A Darh Hnuah Malsawmna An Dawng Ta

Pandemic hi mitam tak tan harsatna a thlen. A bikin khawlaia inzuar leh nitin ei chawp dapa in zuar te tan buaina tham tak a tling.

Malviya Nagar, Delhi a mi kum 80 a upa putar pakhat Kanta Prasad leh a nupui chuan ei chawp dawr an siam a, ‘Baba ka Dhaba’ tih niin Hanuman Mandir hmalamah chuan home-cooked meals an lo zuar ṭhin a ni.

Mahsela hrileng vangin duh angin an inhralh ṭha thei tawh lo. Buh/chaw 750grams leh dal kg chanve pawh ni khat ah an in hralh hleithei lo. An inhralh theih loh thu a sawi hi Video a cover in phochhuah a ni a, engzat nge inhralhna aṭang an hmuh tih a zawh chuan hnuk ulh leh lungchhe tak chungin box aṭang Rs 10 note ho te a phawrhchhuak.

1988 aṭangin an eizawnna hi an lo ṭan ve tawh. He an sumdawnna hi an ei bel ber a ni a mahsela pandemic vang in harsatna lian tak an tawk ta a ni.

A nupui Badami Devi nen hian zing 6:30 aṭang zawrh tur te hi an buatsaih ṭan ṭan a, dar 9 vel ah zawrh tur in an peih diam zel. Dal, curry, parathas leh rice te chu plate khat Rs 30-50 in an zuar a ni.

Lungchhe tak chunga inhralh kawngah harsatna an tawh thu an sawina video hian Social Media a luah hneh hle. Mitam takin a dawr chu an fak sak a, rinphak bakin malsawmna dawngin mipui tam tak ten an dawr an va tlawh.

Lungchhe tak aṭang hlim hmel mawi tak an chhuah ve thei ta. Milar hrang hrang Raveena Tandon, Swara Bhasker, Sonam Kapoor, Suniel Shetty te pawh in ‘Baba Ka Dhaba’ dawr hi an tlangaupui nasa a, Twitter ah top trend a ni pha hial bawk.