Mizo Elite News hi ṭha i tihzawng a nih chuan min lo Follow dawn nia

Korean Actor Lee Min Ho Chuan Record Thar A Siam

South Korea lemchan thiam hmingthang tak mai Lee Min Ho chuan mel lung pawimawh tak phun in an ram ah Record thar a siam ta.

Lee Min Ho hi Korean celebrity zinga Social Media heng Instagram leh Facebook ah te a pahnih a zuitu (followers) maktaduai 20 nei tling thei awmchhun leh hmasa ber a ni.

Thla hmasa khan Lee Min Ho’s agency MYM Entertainment chuan Facebook ah Million 20 followers a neih thu puangin lawmpuina an hlan a, October 4 khan a Instagram chuan followers 20 million hi a nei tling zui ve leh nghal.

Weibo account lam ah pawh a larna a belhchhah zel October 4 thleng khan 28.63 million a kai tawh. South Korea celebrity ah chuan a ber ah a rawn ṭang chho mek zel rih chu ania.

Social Media hi ho tak angin lang mahse milarte tan hian a pawimawh hle a, an lar leh lar loh tehna hmanraw pakhat zinga sawi tel a ni ṭhin.

Lee Min Ho hi acting khawvel ah a hlawhtling viau. Nikum mai khan military aṭang chhuak in a eizawnna drama world ah a lut zawm nghal a. “The King: Eternal Monarch.” ah changin fans te pawhin an hlut hle. Tin, King Choice in 100 Most Attractive Asian Celebs of 2020 a tarchhuah ah rank ah No.3 ah a awm a ni.

Soompi