Mizo Elite News hi ṭha i tihzawng a nih chuan min lo Follow dawn nia

2009 VMA Ah Khan Pathianin Taylor Swift Mic Chhuhsak Turin Min Tir – Kanye West

Mize danglam leh a khawsak dan mak tak a avang in miten Kanye West an hmuh dan hi a danglam phah ṭhin. Buaina neuh neuh ah lah inhnamhnawih in a hming a ri ve reng bawk a. A rinna chungchang ah Pathian hming a sawi fo ṭhin bawk.

Hman aṭanga tun thleng in Taylor Swift nen hian ui leh kel thlun pawlh an sawi ang mai an la ni. He Pop Star nen hian 2009 MTV Video Music Awards sem aṭang khan hmuihmai ṭha an inhmuh hleithei tawh lo. Boruak an nei rei tawh hle a, ṭawngkam mei nei tak takin an la inṭawngkhum ṭhin. VMA sem a pianga sawi hmaih theih tawh loh tur an siam phah a ni.

Kha thil thleng chungchang kha Kanye West hian Nick Cannon’s podcast, “Cannon Class,” ah a rawn sawi thar thawh leh a, “VMA a Taylor Swift Mic chhuh tur khan Pathian in min hriattir a ni” tiin he rapper, mogul leh presidential candidate hian a sawi.

Beyonce kha “best videos of all time.” a ni a, “You Belong With Me” ai khan “Single Ladies” khan Best Female Video kha a phu zawk a ti. chuti chungin Swift hnen ah hlan a ni.

“Pathian in dawhsan ah min hruai a Beyoncè zawk kha lawmman dawn phu tu a ni tih sawi tur khan min hriattir” a ti.

Taylor Swift hian engmah a la sawi lo a, boruak dai tawh hnu a rawn thawh thar leh ah hian West hi engtin takin ngai ang maw. Drama ngaihnawm a chhuak leh lo ang tih pawh a sawi theih loh.

“Jesus is King” artist hian nau tih tlak ṭhat loh zia a sawi ah a fanu North an tih tlak ṭep thu mittui tla purin a sawi bawk a, Pathian in ti tla lo tura a hriattir thu alo sawi tawh. Tin, West hian Donald Trump tana ding a nih loh thu chiang takin podcast ah hian a sawi chiang bawk.

Fox News