Mizo Elite News hi ṭha i tihzawng a nih chuan min lo Follow dawn nia

A Fanu Thla 3 A Upa Chu Cheng Nuai Khat A Hralhin Thil Thar Lei Nan Hmang

A thil thar neih te chu a leina tur pawisa khawi aṭanga a neih nge tih hriat a ni lo. An fa chu a bo zui bawk nen rinhlelhna an nei ta a, an rin ang ngeiin an fanu chu sumdawnna atan hman a ni.

Chikkaballapur, Karnataka a Tinakal village ah pa pakhat chuan a fanu thla 3 leka upa chu fa neilo nupa te hnen ah cheng nuai khat in a lo hralh tih hriatchhuah a ni.

State women leh child welfare department officials te chuan an hriat hnu ah naute hi chhanchhuah a ni a adoption centre ah an dah.

A fa hralh tu pa hi farm a thawk ve mai a ni. A fanu hralhna aṭanga pawisa a hmuh te chu Rs 15,000 in mobile phone a lei a, Rs 50,000 in motorcycle a lei leh. Hetia thil thar a lei nghal zut zut hnu hian an ṭhenawm a mi te chuan an ringhlel ta a, an fa a bo tih an hriat leh hnu ah official lam te an hrilh.

Naute hi Maamachanahalli village a nupa te hnenah alo hralh a. A pian hlim aṭang rengin a fanu hi hralh a lo tum  sa tawh tih hriat a ni bawk.

Naute nu hi man a ni a, a pa erawh a tlanbo. Naute nu hian authorities te hnen ah a fa hi a hnen a pe turin a ngen. A pasal in a vau ṭhin avangin a fanu hi hralh a remti ta mai niin a sawi. Child Welfare Committee te chuan thutlukna an siam dawn a, naute pa pawh hi man tuma zawn mek zel ala ni.

IT