Mizo Elite News hi ṭha i tihzawng a nih chuan min lo Follow dawn nia

Lu Ruh Anga Lan A Duh Vangin A Beng Hleh Thlak Tirin Pawisa A Seng Ṭeuh

Pathian in duh taka min siam danah hian lungawina famkim hmuh alo harsa hle pawh a ni ang. Maksak nih duh vang hrim hrim te a thil atthlak tak tak ti an awm leh ṭhin.

Germany a mi tattoo ngaina tak mai pakhat Sandro (kum 39) hian a thil ngainat hi uchuak tak maiin a ngaina a ni. Lu ruh (skull) anga a lan theihna turin a beng chu a hleh thlak tir hmiah mai.

A beng hlehthlak a surgery man atan hian £6,000 (Rs 5.85 lakh) lai sum alo seng nghe nghe. Midang ten atthlak tiin sawisel mahse atan erawh a landan chu amahah inrintawkna siam tu a ni zawk.

A beng a hlehthlak hi jar ah a dah. Finsterwalde a cheng a ni a. Beng hlehthlak mai hi ala duh tawk lo a mitmu ah tattoo chhut tir ala tum bakah a hnar chu khawih leh ala tum cheu bawk.

TV ah taksa tih danglam vel a hmuh hnu in 2007 aṭang khan body modification hi a lo nei ṭan daih tawh a. Kum 13 liam ta chhungin 17 body modifications a nei hman. Tongue-splitting surgery,forehead implants leh forearm implants te pawh alo ti tawh.

Sandro hian a landan avangin hnathawh tur zawn leh kawppui neih kawngah pawh harsatna a siam dawn tih chiang takin a hre bawk. Chutiang thil a chunga thlen huam chuan heng thil hi a ti a ni. ‘Mr Skull Face’ tiin online ah chuan hriat a hlawh hle.

DM