Mizo Elite News hi ṭha i tihzawng a nih chuan min lo Follow dawn nia

Bank Ah A Nu Pension Hlawh La Turin An Awmna Aṭang Km4 Thleng Alo Paw Tluan Zak

Hripui vangin hnathawh pawh a harsa tawh a, inhlawh chawp a khawsa chhungkaw rethei ve tak tak tan phei chuan sum leh pai ah buaina a tling tawk tawh viau. Damkhawchhuak turin a beih a beih a ngai tawh.

Coronavirus hian rethei zawk te harsatna a siam phah hle. Mipa pakhat kum 60 a upa Bifan Bhuyan chuan a nu kum 105 mi chu bank ah a pension hlawh lachhuak turin km4 laia thui an awmna Kanchanpur village aṭang bank thleng in a puak in a lo paw thleng.

Thil thlenna hi Garhwa district, Jharkhand a Ranka town ah a ni a Bhuyan hian a hringtunu nen Jan Dhan account atang a pension pawisa lak an tum. Mahsela COVID-19 test report tlakchham a neih loh vangin hlawhchham in an awmna lamah an haw leh.

Ranka a Vananchal Gramin Bank pawn lamah block administration chuan COVID-19 test camp an siam a,test negative a piang te chu bank ah hian luh an phal sak tih an sawi.

Pension pawisa hi thla 3 hlawh ₹1500 a ni. Social Media ah an chanchin hi tarlan niin hemi hnu hian Chief Minister Hemant Soren chuan Deputy Commissioner of Garhwa chu he pitar kum 105 te hi ṭanpui vat turin a hriattir nghal.

VG Bank a Branch Manager chuan Mr Bhuyan te chenna in ah hian pawisa nen a kal a. Tun a chin ah chuan bank ah kal kher a ngaih tawh loh thu hrilhin pawisa chu an awmna ṭanga service point hnai berah lakchhuah mai theih tawh tur thu a hrilh a ni.

Hetiang ang deuh chiah hian Odisha nu pakhat chuan bank lamin ‘physical verification’ an phut vangin a hringtunu chu bank lamah a lo hnuk/nawr thleng ṭhak tawh bawk.

IT