Mizo Elite News hi ṭha i tihzawng a nih chuan min lo Follow dawn nia

He Mipa Naupang Hian Kutzungpui Chuangbang A Nei, A Piansualna Hian Tihbuai Chu Sawiloh A Ṭanpui Zawk

Khawvel ah hian midang aia danglam bik a piang hi an awm ve leh nawlh nawlh ṭhin.

India rama mipa naupang kum 12 a upa Faizan Ahmad Najar pawh hi chung zingah chuan a tel ve. Faizan Ahmad Najar hian mak tak maiin kutzungṭang 10 ni lovin 12 a nei bik.

Kutzungpui chuangbang a nei a. Hetianga a awm chhan chu hexadactyly vang niin an sawi. Faizan hian a piansualna hi zahpui leh hrehawm tih nan hmang lovin a chhuang em em zawk.

Sport leh video games khelhna atan a kutzungpui chuangbang hi a hmang ṭangkai hle tih a sawi a, a ṭhian te aiin a che rang thei zawk. A ṭhiante pawh in Bollywood superhero film series a mi ‘Krrish’ tiin an sawi hial bawk.

A nu leh pa te hian naute a nih lai in atan a ṭhat loh zawk hlauthawnna vang in surgery hi an tihsak duh lo. Mahsela chu chuan tunah Faizan tan hlimna leh lawmna a siam sak thung a ni.

An chhungkua hi Kashmir region of northern India a Sheeri Baramulla ah an khawsa a. Ka piandan hi ka zahpui reng reng lo tiin a sawi meuh mai.

Faizan chuan Doctor nih a duh a, amah anga piangsual ve dang te chuan chhaihnawm nah leh tihduhdahna an tawrh loh na turin enkawl a duh a ti. Mahsela vanneihthlak tak in tun ah rih chuan inhmuhsitna leh chhaih nawmnah ang chi ala tawh loh thu a sawi a ni.

DM